Þá eru nýju Composition veggljósin komin til landsins úr framleiðslu á Ítalíu. Theodóra Alfreðsdóttir hannaði ljósin fyrir FÓLK en þau eru ný og fersk viðbót við vinsælu Composition borðljósin. Vegglamparnir eru úr tveimur náttúrlegum hráefnum, marmara og áli og með LED ljósi sem veitir fallega lýsingu í hvaða rými sem er.
Hugmyndin með hönnuninni á Composition ljósunum var að láta tvö grunnhráefni, stein og málm kallast á með notkun ólíkra forma og ljóss, en hönnuðurinn Theodóra er nú þegar orðin þekkt hérlendis sem erlendis fyrir mótarannsóknir sínar og sterka formnotkun.
Ljósin eru framleidd á Ítalíu úr hágæða ítölskum marmara.
