Það var mikill heiður og viðurkenning, fyrir Jón Helga og FÓLK, að bandaríska hönnunartímaritið Dwell valdi borðið sem eina af 5 bestu endurunnu vörunum árið 2020. Jón Helgi Hólmgeirsson hannaði borðið fyrir FÓLK og er það úr endurunnu stáli, endurunnum textíl og FSC vottuðum við. 

Hliðarborðið úr endurunnu efni er hannað af Jóni Helga Hólmgeirssyni. Það er samsett úr endurunnum ullarplötum, endurunnu stáli og FSC vottuðum sjálfbærum við. Það er sett saman á nokkrum mínútum með tveimur skrúfum. 

Endurunnu ullarplöturnar sem notaðar eru í vörunni koma frá danska fyrirtækinu Really CPH. Really framleiðir plöturnar úr gömlum afgöngum eins og fötum, sjúkrahúslökum og ýmsum afskurði efnisframleiðslu frá móðurfélaginu Kvadrat og fleirum. Verkefnið er tilraun til að draga úr magni efnisafganga sem endar í landfyllingum eða er brennt og er því frábært dæmi um verkefni sem skapar jákvæð áhrif hringrás hráefna. Sjá má vefumfjöllun Dwell hér.

Endurunna hliðarborðið er í framleiðslu og er væntanlegt seinni hluta árs 2020. Sjá nánar um vöruna hér.