Við í FÓLKi erum fyrsta fyrirtækið til að nýta aukinn veruleika (e. Augmented Reality) hér á landi í vefverslun okkar.
Nú er hægt með aðstoð tækninnar að máta íslensku hönnunarvörurnar okkar í rýmið heima, snúa þeim og færa og skoða vöruna gaumgæfilega.
Það var mikill heiður og viðurkenning, fyrir Jón Helga og FÓLK, að bandaríska hönnunartímaritið Dwell valdi borðið sem eina af 5 bestu endurunnu vörunum árið 2020. Jón Helgi Hólmgeirsson hannaði borðið fyrir FÓLK og er það úr endurunnu stáli, endurunnum textíl og FSC vottuðum við.
Sænska tímaritið, Tidskriften Rum tók viðtal við Rögnu Söru stofnanda FÓLK Reykjavík um umhverfisvænar áherslur og hvernig er að reka hönnunarfyrirtæki frá Íslandi.
Það var ánægjulegt að hönnunarbókin Northern Comfort, sem kom út hjá þýska útgáfufélaginu Gestalten, var með stóra umfjöllun um FÓLK Reykjavík. Bókin fjallar um Norræna hönnunarhefð og er bæði fjallað um gamalgróin hönnunarmerki og ný og fersk Norræn merki.